பதுளுஓய காட்டில் 737 T -56 துப்பாக்கி ரவைகள் கண்டுபிடிக்கப்பட்டன

பதுளுஓய தல்தென பரகஸ்தோவ பகுதியில்  உள்ள பதுளுஓயவின் ஆற்றங் கரையின் காட்டுப் பகுதியில் மறைத்து வைக்கப்பட்டிருந்த  737  T -56 துப்பாக்கி ரவைகள்   நேற்று (30) பதுளை பொலிஸாரினால்  மீட்கப்பட்டன.

காவல்துறையினருக்கு கிடைத்த தகவலின் பேரில், குற்றப் புலனாய்வுத் துறை அதிகாரிகள் குழு தேடுதல் வேட்டையில் குறித்த வெடிமருந்துகள் அடங்கிய பெட்டியைக் கண்டுபிடித்தனர்.

இந்த சம்பவம் தொடர்பாக எவரும் கைது செய்யப்படவில்லை, மேலும் பதுளை போலீசார் மேலதிக விசாரணைகளை மேற்கொண்டு வருகின்றனர்.