ரணிலின் வெற்றிக்கு, முஜிபுர் ரஹ்மானின் பங்களிப்பு

பிரதமராக ரணில் விக்கிரமசிங்க அவர்கள் பதவியேற்ற பின்னர் அவர் உரை நிகழ்த்திய போது பிடித்த படம் இது. இந்தப் படத்தில் மறைந்து நிற்பவர் (வட்டமிடப்பட்டுள்ளது) தொடர்பில் மறைவான பல விடயங்களை இன்று வெளிச்சத்துக்குக் கொண்டு வரலாம் என நினைக்கிறேன்.

கொழும்பு மாவட்ட ஐக்கிய தேசியக் கட்சி நாடாளுமன்ற உறுப்பிரான முஜிபுர் ரஹ்மான் அவர்களைப் பற்றியே இங்கு சில விடயங்களைக் கூற வருகிறேன்.

ஜனாதிபதியினால் ரணில் பதவி நீக்கப்பட்ட தினத்திலிருந்து இன்று வரை ரணிலின் கறுப்புப் பூனைப் படையணித் தலைவர் போன்று செயற்பட்டவர்.

அலரிமாளிகையிலிருந்து ரணில் வெளியேறக் கூடாது என்ற விடயத்தில் கடுமையாகச் செயற்பட்டவர். கொழும்பு மாவட்டத்திலுள்ள தனது ஆதரவாளர்களை அதிகம், அதிகமாக அலரி மாளிகைக்கு வரவழைத்து ஒரு உற்சாக நிலைமையை அங்கு உருவாக்கியவர். ரணில் விக்கிரமசிங்க சிலவேளையில் மனச்சோர்வடையும் சம்பவங்களை எதிர்கொண்டாலும் அதனை இல்லாமல் செய்து அவரைத் தெம்படையச் செய்தவர்.

ஜனநாயக ரீதியான போராட்ட வன்மம் கொண்ட முஜிபுர் ரஹ்மான் பிரசார யுக்திகளிலும் கைதேர்ந்தவர்.

ரணிலின் இன்றைய வெற்றிக்கு அவரது பங்களிப்பு அளப்பரியது என்பதனை ரணில் விக்கிரமசிங்கவோ ஐக்கிய தேசியக் கட்சியினரோ மறந்து விடக் கூடாது.

- ஏ.எச்.சித்தீக் காரியப்பர்